Operator Këshillues në ALO 116

Pozicioni: Operator Këshillues në ALO 116
Punëdhënës: ALO 116: Linja Kombëtare e Këshillimit për Fëmijët
Vendi: Tiranë, Shqipëri
Kohëzgjatja: Minimumi 1 vit (3 muajt e parë janë periudhë prove)
Linja Kombëtare e Telefonit për Fëmijë – ALO 116 është një shërbim falas këshillimi dhe referimi
për fëmijët kudo në Shqipëri.  Ky shërbim komunikon me fëmijët nëpërmjet numrave: ALO 116
111 – Linja Kombëtare e Këshillimit për Fëmijë; ALO 116 000 – Linja Kombëtare e Telefonit për
Fëmijët e Humbur.
Profili i operatorit: Operatori këshillues do të jetë personi që do të presë telefonatat e
fëmijëve, do të bëjë një vlerësim paraprak të telefonatës si dhe do të këshillojë, të konsultojë,
rekomandojë dhe informojë fëmijët për çdo shqetësim që ata kanë. Puna është me tre turne
përgjatë 7 ditëve të javës. Ditët e pushimit janë të rregulluara në bazë të turneve. Paga e
operatorit do të jetë sipas standarteve të përcaktuara nga Kodi i Punës.
Kriteret e pranimit: Kandidati që kërkon të punësohet në rolin e operatorit duhet të përmbushë
këto kritere:

1. Të jetë diplomuar në të dyja ciklet e studimit (bachelor dhe master) në Fakultetin e
   Shkencave Sociale, degët: Psikologji ose Punë Sociale;
2. Të jetë i/e gatshëm për të punuar me tre turne;
3. Preferohet të ketë eksperiencë në këshillim;
4. Të jetë i rekomanduar nga një ose dy punëdhënës, të cilët i njohin aftësitë profesionale
   dhe personale të kandidatit/es, ose të paktën një punëdhënës dhe një pedagog
   përgjegjës përgjatë studimeve;
5. Të jetë njohës i mirë i gjuhës angleze (nuk janë të nevojshme dokumentat/dëshmitë për
   ta vërtetuar këtë, pasi do të bëhen testime në anglisht nga ana jonë);
6. Të ketë eksperiencë pune apo praktike mësimore me fëmijët;
7. Të mos jetë akuzuar apo dënuar më parë për vepra penale ndaj fëmijëve.

Dokumentacioni i pranimit (Sigurohuni që këto dokumenta të dërgohen me email tek adresa alo116@alo116.al me subjekt Aplikim për Punësim):

1. Formulari i plotësuar i Aplikimit për Punësim i ALO 116 Shqipëri. Kjo formë duhet
2. kërkuar paraprakisht nga i/e interesuari/a;
3. Fotokopje të Diplomës dhe listës së notave;
4. CV;
5. Rekomandime (rekomandimet duhen të jenë nga punëdhënës apo supervizorë tuaj së
   bashku me kontaktet e tyre. Rekomanduesit nuk duhet të jenë persona që kanë lidhje
   gjaku apo lidhje familjare me aplikuesin).
6. Dëshmi Penaliteti, vetëm për ata kandidatë që do të kalojnë në fazën finale të
   intervistimit.

Personat e interesuar janë të lutur të kontaktojnë në rrugë elektronike me zyrat e ALO 116 Shqipëri për të marrë Formularin e Kërkesës për Punësim në adresën: alo116@alo.116.al

Afati përfundimtar për dorëzimin e aplikimeve është data 30 Shtator 2023, ora 16:00. Aplikimet bëhen vetëm elektronikisht tek adresa e mësipërme e emailit me subjekt: “Aplikim për Punësim pranë ALO 116”, si dhe emrin dhe mbiemrin e aplikantit.

Faza e intervistimeve me aplikantët e përzgjedhur do të vijojë sipas renditjes në kohë të dërgimit të aplikimit dhe dokumentacionit të kërkuar.

Asnjë dosje aplikimi nuk do të merret në konsideratë nëse nuk është e plotë. Vetëm kandidatët që do të kalojnë në intervistë do të njoftohen për vazhdimin e procedurave të mëtejshme të intervistimit. ALO 116 është punëdhënës që garanton mundësi punësimi të barabarta për të gjithë.